台語一點靈

關於部落格
教育部最新台語的語音標記和漢字表述。如何準備參加教育部台語能力檢定課程輔導。增進台語專業知識與充實教材內容。台語會話指導
  • 36170

    累積人氣

  • 5

    今日人氣

    0

    訂閱人氣

阮的心聲講予恁來聽

阮的心聲講予恁來聽

   佇台灣各語族從早in就有委員會佮專屬電視台,是按怎干焦台語人到今閣喝甲梢聲,猶咧「催生台語公共電視台」。啥物是語言平等?啥物是公平正義?啥物是資源共享?選舉的時陣敢毋是攏安呢講?

  台語是毋是有危機,看少年囡仔就知影,為著欲共台語推展到社區閣到家庭,阮結合一寡「有志之士」做伙咧拍拚,佇中山社區大學開設『雅俗台語面面觀』課程。九年來佇無經費、無資源的環境之下,為著培力母語的種子教師,為著欲傳承台灣的語言佮文化,阮歡喜做甘願受,恬恬仔付出,盡心盡力奉獻予台灣。

   聽著講欲「催生台語公共電視台」,阮比啥人閣較歡喜,這是阮久長以來的期待佮向望,向望有咱家己的電視台來鬥推捒。台灣上大族群上弱勢的團體,講著話細聲佮無力,無人咧共你要緊!你敢無法度有一个較大的「放送頭」大力講出家己的心聲?

                               中山社區大學「雅俗台語面面觀」課程班

相簿設定
標籤設定
相簿狀態